Organizada pola Federación Galega de Asociacións de Emigrantes Retornados, o martes 27 de abril ás 20:00 será a presentación na Galería Sargadelos de Lugo do libro Almoina, un exiliado gallego contra la dictadura trujillista do historiador cubano-mexicano Salvador Pérez coa presencia de Xurxo Martínez Crespo, autor da outra biografía de José Almoina na que inclúe a súa muller Pilar Fidalgo.O libro de Salvador Morales que saiu do prelo en 2009 editado polo Archivo General de
Esta obra xunto a de Xurxo Martínez Crespo José Almoina, Pilar Fidalgo. Exilio. Dominicana, México, Edicións A Nosa Terra, Vigo 2009, son os dous únicos libros editados sobre a vida do exiliado, asasinado e tristemente esquecedio José Almoina que por unha mala xogada da historia pasou de ser vítima a vítima esquecida pola desaparición de Jesús de Galíndez a mans do ditador dominicano Leonidas Trujillo.
O libro de Salvador Pérez reivindica a figura de Almoina en detrimento da de excesivamente valorada de Galíndez por medio de probas documentais e testemuños historográficos nunca antes estudados.
A figura de Galíndez, sobreexplotada por un Partido Nacionalista Vasco no exilio, e despois no goberno, aparece opacada ante a arriscada aposta de Almoina na súa loita contra a ditadura trujillista, aposta que lle valeu persecución durante anos e a vida a man de sicarios cubanos contratados por Trujillo.
Bo exemplo dese esquecemento da historia do lugués José Almoina e o silenzo por parte do seu partido, PSOE, cando non o reintegrou ao acrón dos outros militantes reintegrados expulsados inxustamente do partido.
A Fedederación Galega de Asociacións de Emigrantes Retornados organizou para o xoves 29 unha aula maxistral do profesor Salvador Pérez na Faculdade de Historia da USC, na aula 9 ás 13:00 sobre a figura de José Martí.
